Täzelikler

Aşgabat şäheriniň ýaşaýjysy Isa Annamyradow ykjam telefonlarda iňlis dilini mugt öwrenmäge mümkinçilik berýän programma döretdi. Ykjam enjamlar üçin niýetlenen täze programma iňlis diliniň «Beginner-Elementary», «Pre-Intermediate», «Upper-Intermediate», «Advanced» derejelerini öz içine alyp, synaglary, sözleri, tekstleri we iňlis diliniň grammatikasyny türkmençe düşündirilişiniň üsti bilen özleşdirmäge kömek eder. Ähli ýaşdaky adamlar üçin niýetlenen programmanyň esasy artykmaçlygy, ol oflaýn görnüşinde bolup, beýleki programmalara garanyňda, tölegsiz ýagdaýda işleýär.

“Germew” programmasyny ykjam telefonlaryna ornaşdyrmak isleýänler tölegsiz görnüşde “Google” şereketiniň “Google Play” internet dükanyndan telefonlara ýükläp bilerler.

“Türkmentelekom” EAK-sy «JAN Tehnologiýa” hojalyk jemgyýeti bilen bilelikde “Belet Film” hyzmatyny hödürleýär

Täze “Belet Film” hyzmatynyň kömegi bilen filmleri we seriýallary tomaşa etmek has aňsatlaşdy. Hyzmat filmleriň, teleseriýallaryň, multfilmleriň ýygyndysy bolan onlaýn- kinoteatrdyr.

Filmleriň sany yzygiderli köpelýär we ýakyn wagtda dünýä klassik filmlerinden başlap, 2021-nji ýylyň täze önümlerine çenli 5000-den gowrak dürli žanrlardaky film we seriýallar elýeterli bolar. Bu hyzmat enjama däl-de, internet liniýasyna birikdirilýär. Bu, bir maşgala agzalarynyň hemmesiniň bu hyzmatdan peýdalanyp biljekdigini aňladýar. Sekuntda 8 megabite çenli tizlik, şol bir wagtyň özünde birnäçe enjamdan onlaýn film görmäge mümkinçilik berer. Abuna ýazylyş bahasy aýda 30 manat, hyzmaty abonentiň şahsy otagynda, şeýle hem “Turkmentelekom” EAK-nyň abonent bölümlerinde birikdirip bilersiňiz. Hyzmat diňe bir Android we iOS däl, kompýuterden görmek üçin web wersiýasy hem häzirki wagtda film.belet.com.tm sahypasynda işlenip düzülýär. Onlaýn- kinoteatryň WEB wersiýasy ýakyn wagtda elýeterli bolar. Enjamyň ýadyna film göçürip, internetsiz film görmek mümkinçiligi hem göz öňünde tutulan.

Hyzmat täze işe girizilendigi sebäpli, belki-de ulanyjylaryň hemmesi gözleýän zadyny tapyp bilmez, beýle ýagdaýlar üçin biziň belet@online.tm salgymyza e-poçta iberip bilersiňiz. Filmiň ýada seriýalyň adyny ýazyň, Belet Film topary gysga wagtda siziň islegleriňizi kanagatlandyrar.

Habarlaşmak üçin:

Maglumat merkezi: 071

IMO: +993 61 392241

IG: @beletvideo

belet@online.tm

Finlýandiýanyň “Nokia” kompaniýasy 6G ulgamynyň söwda maksatly görnüşiniň 2030-njy ýylda taýýar ediljekdigini mälim etdi. Internet aragatnaşygynyň 6-njy nesli, esasan, saglygy goraýyş ulgamynda keselleriň öňüni almakda peýdalanylar. Şeýle hem birnäçe pudakda netijeliligi ýokarlandyrmaga ýardam eder. Dünýäniň käbir iri şäherlerinden ulanylyp başlanandygyna garamazdan, häzirki wagtda ýeterlik derejede ýaýramady.
Ýewropa Komissiýasynyň mälim etmegine görä, Ýewropa Bileleşigi ýurtlarynda 6G barlaglaryny çaltlandyrmak maksady bilen “Hexa-X” atly taslama durmuşa geçirilýär.

Ka­na­da­nyň Ýa­ba­ny te­bi­gat gaz­na­sy «BC Parks», seý­rek duş gel­ýän ösüm­lik gör­nüş­le­ri­ne baý bo­lan Gün­ba­tar Bal­le­nas ada­sy­ny sa­tyn al­mak mak­sa­dy bi­len 1,7 mil­li­on dol­lar pul ýyg­na­ýar. Ada­ny ha­las et­mek üçin te­bi­ga­ty sö­ýü­ji­ler ýe­ne-de 122 müň dol­lar top­la­ma­ly. Bu ada Ka­na­da­nyň Bri­tan Ko­lum­bi­ýa­sy we­la­ýa­ty bi­len ABŞ-nyň Wa­şing­ton şta­ty­nyň ara­syn­da ýer­leş­ýän Se­liş deň­zin­de ýer­leş­ýär. Bal­le­na­syň meý­da­ny tak­my­nan, 0,4 ine­dör­dül ki­lo­met­re deň­dir.
«BC Parks»-yň baş di­rek­to­ry En­di Deý ada­ny bir­nä­çe bö­lüm­le­re böl­me­gi me­ýil­leş­dir­ýän­dik­le­ri­ni aýt­dy. Bu ýer­de seý­rek duş gel­ýän haý­wan­la­ry we ösüm­lik­le­ri go­ra­mak mak­sa­dy bi­len jem­gy­ýet­çi­lik se­ýil­gä­hi­ni we ýö­ri­te ýa­pyk zo­lak­la­ry dö­ret­mek me­ýil­leş­di­ril­ýär.
Ha­ýyr-sa­ha­wat­çy­lar we ta­lyp­lar te­bi­ga­ty sö­ýü­ji­le­re pul top­la­ma­ga kö­mek ed­ýär­ler. Bu kam­pa­ni­ýa­ mek­dep okuw­çy­la­ry hem ýar­dam ber­ýär­ler. Bal­le­nas­da seý­rek duş gel­ýän çer­ri­giň gör­nü­şi­niň di­ňe şu se­bit­de we Bri­tan Ko­lum­bi­ýa­syn­da ös­ýän­di­gi bel­le­nil­ýär. Mun­dan baş­ga-da, ada­da du­b aga­jy­nyň dür­li gör­nüş­le­ri ösüp, ke­nar ýa­ka­syn­da de­mir­ga­zyk we ka­li­for­ni­ýa de­ňiz pi­şik­le­ri ýa­şa­ýar.